तुझ्या विना मला करमेना

अजून किती ताणून धरशील?
अवघड होत आहे तुला पण,
खूप दुखावली आहेस तू,
ह्याची जाणीव आहे मला पण!

आपण सगळेच चुका करतो,
तो माणसाचा गुणच आहे,
माफ कर ना आता,
मला खूप पश्चात्ताप आहे!

भांडणात रुसवाफुगी तर होतेच,
पण अपराधी सारखी वागवू नको,
नातं कायमचं तुटेल,
इतकं सुद्धा ताणू नको!

अबोला धरणे ह्यात काही नवखे नाही,
पण हा आहे तो अहंकार,
अजून गुदमरून जाऊ ह्यात आपण,
कारण ह्याचे फटके असतील जोरदार!

झालं गेलं विसरून जा,
एका हाताने टाळी वाजत नाही,
हे पटत असून देखील,
तू हे मान्यच करत नाही!

घेऊन मला मिठीत,
समजाव ना माझ्या मनाला,
मी खूप समजावण्याचा प्रयत्न केला,
आता तूच समजावं ना ह्याला!

आता खूप त्रास होत आहे,
अंतर्मन माझं जगू देईना,
कसा सावरू मी ह्यातून स्वतःला,
तुझ्या विना मला करमेना!